“As you are falling, your sense of orientation may start to play additional tricks on you. The horizon quivers in a maze of collapsing lines and you may lose any sense of above and below, of before and after, of yourself and your boundaries”

—Hito Steyerl, In Free Fall: A Thought Experiment on Vertical Perspective

Resemblance

Halie Finney and Dwayne Martineau

Curated by Ociciwan Contemporary Art Collective

isinâkwan


kêwâtêyimowin mêtoni êhâyimak êkwa ohcihtaw kahkiyaw kimōsihtānaw, ohcitaw êwiyawihtahk kîkway.  ôhi âyâwina êkwa mamitonêyihtamowina âyiman kakwêpîkiskwâtamihk, êwahkêwisiyahk, ênatonamahk kiskisiwina êkwa pêyakwan itâtisiwin êkwa kâkîhitôtamahk asci aniki kâkînakataskêcik.  kîkway êkakwêmiciminamahk: kîkway êwanikikiskisototamahk anita askiy ahpô âpacihcikana, kêsikiskisiyahk kipimâtisiwininaw.  êmiciminamahk kiskisiwina êkwa kêwatêyimowin anita âpacihcikana ahpô askiy, kikiskisiwininawa êkota êhayâmakahki, kêsi-kiskisiyahk ana ka-piminîkânôhtâkoyahk.

isinâkwan, otatoskêwin Halie Finney êkwa Dwayne Martineau, kipimi-kiskinohamâkonaw pônipimâtisiwin êkwa kêwâteyimowin êhâcimocik êmâmiskohtahkik askiy kâhisikiskisihk kîkwaya kâkîhâpacihtahk êkwa kâkîpehisinihkêcik.  tân’si kâhisimôsihtâyahk kîkwaya êkwa kêsi-âhkamêyihtamahk kêsipimâtisiyahk.  nânapô otâpasinahikêsak namoya kiskêyihtamwak tânisi ôma kêhcinâ kânakataskêhk wâwîs ôma mêkwâc kâpimi-kâkêwâtêyimocik êkwa êpimikiskisicik.  kêwâtêyimowin êkwa wîsakitêhêwin ayâmakan “ita kîkway êkîhitâkamikahk êkwa kâkîmôsihtân wâwîs kîspin kîkway ênitawikiskisiyan êkîhispayik êkota ayâwin.  tân’si kêhcinâ êhisikiskisiyan êhisimôsihtâyan êkospî”  pîtos kisimâmitonêyihtênaw êpimisikiskisiyahk êkêwâtêyihtamahk, kikiskâkonaw kêsikiskisiyahk êkota âyâwin êpimikiskisiyahk ana kapiminakatikoyahk.  pimiwâpahtihiwêwak tân’si wiyawâw êhisimâmitonêyihtahkik êkwa êhisiyinihkâtahkik pônipimâtisiwin êkwa kêwâtêyimowin, otâpasinahikêsak kinitomikonawak ita ehâcimohtatâcik kêsi nâkateyimisohk kakêwâteyimohk.

ONE DEAD TREE #4, June 2012
Dwayne Martineau
Photo rag paper carriage-bolted to
OSB board
34.5 x 23.5 inches

ONE DEAD TREE #9, June 2012
Dwayne Martineau
Photo rag paper carriage-bolted to
OSB board
34.5 x 23.5 inches

Halie Finney opimâtisimakihtawin, âcimowin ohci (kêkâc) ênipit atim (2018) êhâcimikâsot atim êwâtihkêt êkwa êkota êpihcipayit, êkosi êsa ana otê aspin kihcikîsikohk. êkanawâpamâyahk atim êmawimôstawât êkwa êmâtowihtâkosit ohci okâwiya êkwa cîpaya êpimipimohtêyit.  Finney kwêyask êtâpasinahwât asiyiniwa, êhâhtayohkêt, êhâcimot ohci kîkwaya êhâpacihtât, cikâstêpicikan, êkwa mêtawêwina kawâpahtamihk.  otâcimowin âpacihêw ayisiyiniwa kôcikiskisihk, kîkwaya âpacihtâw anita kêsikiskisitotawiht ayisiyiniw êkwa âyâwina ohci omâmawinitowin kîwêtinohk Alberta.  atim, ahpô cîpay atim, êkota apâtisiw otatoskêwinihk, kâkîpônipimâtisiyit êkwa ispî kâpimâtisyit êkosi ôma wiya êhisikiskisihk askîwihtwâwin, ispî awiyak kâwanihat êkwa kâhisikiskisihk kâpiminîkânohtakoyahk tahto kîsikâw kapimi-kiskisiyahk.  Finney itwêw:


atimwak ôki kâkike êpimiwîcewât nipêyakohêwama êkwa kâpehohpikiyân wayawîtimîhk ôtenâhk sisonê mêskanâhk, nikiskinohamâkwak mistahi ohci pônipimâtisiwin êkwa kêwâtêyimowin.  ôma atoskêwin, atim awa êhâpatisit êkaskihot kanôhkohot nîso kîsikohk, ahpô êtikwê êwako wiya iyinito âcimowin.  kâhosihtâyân cikâstêpicikan, nikiskinohamâkon namoya kakînakatikon wîsakitêhêwin; kîspin kâhâhkamêyihtaman kawanikiskitotawahkik cîpayak kâsâkihahkik, nawâc ayiwâk nikiskisin, nikiskisitotawâwak, nikiskin kihtwâm êwîwâpamahkik.

ONE DEAD TREE #5, June 2012
Dwayne Martineau
Photo rag paper carriage-bolted to
OSB board
34.5 x 23.5 inches

kâmêskocipayik kîkway kâmamâtâwak êkwa kîkway kâkiskêyihtamihk, mamâtawisiwin êkwa pakaskêyihtamowin êkoni nôhkwanwa anita Finney êkwa Martineau otatoskêwiniwâw.  pîtos kâhisinisitohtamahk pônipimâtisiwin piko katâpohkêyihtamihk kêyâpic kîkway êhayamakahk kihcikîsikohk.  kahkiyaw naspasinahikêwina mâmaskâtêyihtâkwana ita ana kâkanawâpahtahk naspascikêwina wiya kâhisinisitohtahk pônipimâtisiwin êkwa kîkway êhayâmakahk kihcikîsikohk.  pônipimâtisiwin êkwa kâkêwâtêyimowin êhamâtsostamihk êkwa êsêsêhskêyihtwak kîspin namoya kâkiskêyihtamihk, iyikohk êmôsihtahk sâkohitowin, kikisiwin, êkwa êhisinakacihtâyahk êhisikaskihoyahk.

Dwayne Martineau onaspasinahikêwin pêyak nâtwâyâskohtin (2012), êhâpacihât konta mîtosa mêskanâsihk anita amiskwacîwâskahikanihk pasahcâw.  kâkihtwâm êhâpacihiht mîtos êkiskinawâcîcikâsot êsêsêhskinâkosit êcahkâstêsihk. iyikohk miyopayicikêwin ênôhkwak onaspihcikanihk.  êcâhkastêhki masinpayihowina pâstewâhtik pîtos êtâpinâkosit êcikâstêpêkisinit.  mîtos êtâpinâkosit tâpiskôc mâyihoskanâspinêwin, êkota tasi kîkwaya kâhohpikihki wâsakâm.  êmamâtawinâkosit, ita êkwâtakêyimohk, ita kâmamâtawipayik nân’taw kâhispayikoyahk.  Martineau nitawâcihtâw êhisimamâtâwahk ohtitaw, asci pimâtisiwin êkwa pônipimâtisiwin, kwayask kîkway ahpô namoya kwayask, êkwa tânisi pîtos kîkway kêsiwâpahtamihk kêsimasinpayitâhk ispî kâhâhkwêtawastahk, pîtos kêsiwâpahtamihk êkwa kêsinisitohtamihk misiwêskamik.  Martineau itwêw, ohci One Dead Tree (pêyak nâtwâyâskohtin):


êkospî, mêtoni ekîmosihtâyân kânakataskêht nitôtem.  ita takîmôsihtâyân mamihcâyâwin, nikîsehkisin, misiwanâtisiwin, êkwa wanêyihtamowiwêwin êkatawasisik.

ONE DEAD TREE #14, June 2012
Dwayne Martineau
Photo rag paper carriage-bolted to
OSB board
34.5 x 23.5 inches

ONE DEAD TREE #15, June 2012
Dwayne Martineau
Photo rag paper carriage-bolted to
OSB board
34.5 x 23.5 inches

nânapô naspasinahikêsak âpacihtâwak êhisitâpinahkosit êhahkwêhtawastêhki ohci wâsaskotênikan.  Finney kâmasinahikêt êhâhâtastât âpacihcikana, ita ayiwâk kawâpahtamihk ahpô kawîkatênamihk kêsinisitohtamihk pîmâtisimakihtâwin.  Martineau êhahkowastaht êhisitâpinahkosiyit pêyak mîtosa kêsimôsihtât asci kâhisikiskisit êkwa iyikohk kâwanikiskisit kîkway.  namoya kahkiyaw kâkîmosihtân katisk pêyakwâw kawâpahtaman kâkihtwâm kakanawâpahtaman ohcitaw pîtos kêsinisitohtên.  wâsaskotênikan êhâpahtahk pîtos kêsimôsihtâhk mawîhkâtamowin. nânapô naspasinahikêsak nitwâcihtâwak pâpêyakwan kiskisiwin ahpô âpacihcikana kâhâpacihtâcik aniki kâpiminîkânîstâkocik, mêtoni âcimowiniwâw kinisitohtên ôte kihcikîsikohk êkwa ana kânakataskêyit tâpiskôc kamôsihtâyan keyâpic êhayât ôta waskitaskamihk, âpacihcikanihk anita, êkwa kiskisiwin.

ONE DEAD TREE #4, June 2012
Dwayne Martineau
Photo rag paper carriage-bolted to
OSB board
34.5 x 23.5 inches

Story of a (almost) Dead Dog, June 2018

Halie Finney
Video (overhead projector, acrylic paints and inks, stop-motion animation) 
13:00  min

wâskotênikan kâpacihtâcik, Finney ekwa Martineau kaskihtâwak êhâcimôtatâcik anita onaspasinahikêwiniwâw.  ita kâpahtahk wâskotêpayisk êkwa cikâstêsimowin môsihtâniwan nakatamâkêwin êmôsihtâhk wanêyimowin, êkwa mêtoni môsihtâniwiw mawîhkâtamowin.  kikêwâteyimonaw êkota wâsakâm, ênâtonamahk kêsiwîcihikoyahk kêsiyâkasik kiwîsakitêhêwininaw.  aniki kânakataskêcik kimâmitonêyimânawak anita kitâcimowinaw êkisteyimâyâhkik. kêsikiskisiyahk, kitâhkamêyihtênaw êhâsônamahkêyahk kâkîpehisipimâtisiyahk êkwa kîkway kapêwanihtâyahk.

Halie Finney awa onaspasinahikêw mêkwâc êwîkit amiskwacîwâskahikanihk, Alberta.  êkîkaskihtamâsot okihcikiskinohamâtowasinahikanis ohci Alberta University of Art and Design ispî 2017 ohci naspasinahikêwin; êkwa mîna kîkîsikihcikiskinohamâkosiw MacEwan University 2017 kiskinohamâkosiwin ohci iyinito naspasinahikêwin.


êkînihtâwikit êkwa êkîhohpikit Lesser Slave Lake askiy anita Alberta, Halie mistahi kiskêyihtam êkota kîkwaya ohci askiy.  nisitohtam otipêyimisowin nanâtohkôskânêsiwin kêsikiskisit kâkîpêhisiwihtamâkot opêyakohêwama êkota kâwîkiyit êkwa êkota wâsakâm pêyakwan kâhisinâkwak otaskîm êkwa kâkîpêhisipimâcihocik.


kapîkiskwâtahk wîki êkwa opêyakohawêma kwayask Halie âtayohkâtêw ayisiyiniwa anita êwêhcasik âcimowasinahikan êhisikiskisit ocênâsihk.  êwakonik ayisiyiniwa âpacihêw anita pimâtisimakihawina, mêtawêw-ayiwinisa, tâpasinahikêwina, naspasinahikêwina, mêtawêwina, êkwa kotaka âpacihcikana.


Dwayne Martineau wiya otâpasinahikêw kîkwaya êhâpacihtât, okitohcikêwiyiniw, êkwa êmasinahahk kitohcikêwin êwîkit amiskwacîwâskahikanihk.  nîso kîkwaya itôtam otatoskêwinihk – apacihtâw wâskotêpayis, êkwa êmasinipayitât askiy.  êhapacihtât wâsaskotêpayis, êmiskâhk mohtêhâpisk, wâpamon êkwa mihcêt kotak kîkwaya, Martineau âpacihtâw pîtos kîkwaya namoya kwayask êhitastêhki, kwayask êhitastêhki kîkwaya, êkwa pimâtisimakihtawin êkiskêyihtahk ohci misisakâwa êkwa sakâwa.  êkakwênohcihtât, wiya kêtwet, iyikohk êsôhkahk masinipayicikêwin “pîtos kêsinisitohtamahk pîtos kîkwaya, êkwa pîtos êkota êhispayik êwako…” Dwayne ohcîw ayikisâkahikanihk iyinînâhk êkîhohcîtyit nistam wêmistikosiwak, Scottish êkwa Irish otinaskêwak, nêhiyawak, otipêyimisowak êkwa onâtowêw.

ôta êwîkit amiskwacîwâskahikan, Alberta, Ociciwan Contemporary Art Collective wîcihêw  iyiniw otâpasinahikêwak êkwa osihcikêsak êkwa mâmiskohtamwak êwako atoskêwin, kêsi ispihtêyihtakwak kawîtatoskêmitocik otâpasinahikêsak êkwa kakiskêyihtakwâki iyiniw otâpasinahikêwin itôtamowina.


ispî kisêpîsim 2020, Ociciwan êwîhayâk iyiniw otâpasinahikêwak kamikos amiskwacîwâskahikanihk, Alberta.  otâpasinahikêwikamik wîwâpahtihiwêwak tâpasinahikêwina nêwâw pêyak askiy ôhci iyiniw otâpasinahikêwina.  ênohtêkaskihtamâsocik ita kawâpahtamihk otâpasinahikêwiniwâw ôta amiskwacîwâskahikanihk tâtwâskiy ita êkosi kêsihcikêcik êkwa iyikohk êhispihtêyihtakwak nitwâcihtwâwin.

Resemblance

Halie Finney and Dwayne Martineau

Curated by Ociciwan Contemporary Art Collective

isinâkwan


kêwâtêyimowin mêtoni êhâyimak êkwa ohcihtaw kahkiyaw kimōsihtānaw, ohcitaw êwiyawihtahk kîkway.  ôhi âyâwina êkwa mamitonêyihtamowina âyiman kakwêpîkiskwâtamihk, êwahkêwisiyahk, ênatonamahk kiskisiwina êkwa pêyakwan itâtisiwin êkwa kâkîhitôtamahk asci aniki kâkînakataskêcik.  kîkway êkakwêmiciminamahk: kîkway êwanikikiskisototamahk anita askiy ahpô âpacihcikana, kêsikiskisiyahk kipimâtisiwininaw.  êmiciminamahk kiskisiwina êkwa kêwatêyimowin anita âpacihcikana ahpô askiy, kikiskisiwininawa êkota êhayâmakahki, kêsi-kiskisiyahk ana ka-piminîkânôhtâkoyahk.

isinâkwan, otatoskêwin Halie Finney êkwa Dwayne Martineau, kipimi-kiskinohamâkonaw pônipimâtisiwin êkwa kêwâteyimowin êhâcimocik êmâmiskohtahkik askiy kâhisikiskisihk kîkwaya kâkîhâpacihtahk êkwa kâkîpehisinihkêcik.  tân’si kâhisimôsihtâyahk kîkwaya êkwa kêsi-âhkamêyihtamahk kêsipimâtisiyahk.  nânapô otâpasinahikêsak namoya kiskêyihtamwak tânisi ôma kêhcinâ kânakataskêhk wâwîs ôma mêkwâc kâpimi-kâkêwâtêyimocik êkwa êpimikiskisicik.  kêwâtêyimowin êkwa wîsakitêhêwin ayâmakan “ita kîkway êkîhitâkamikahk êkwa kâkîmôsihtân wâwîs kîspin kîkway ênitawikiskisiyan êkîhispayik êkota ayâwin.  tân’si kêhcinâ êhisikiskisiyan êhisimôsihtâyan êkospî”  pîtos kisimâmitonêyihtênaw êpimisikiskisiyahk êkêwâtêyihtamahk, kikiskâkonaw kêsikiskisiyahk êkota âyâwin êpimikiskisiyahk ana kapiminakatikoyahk.  pimiwâpahtihiwêwak tân’si wiyawâw êhisimâmitonêyihtahkik êkwa êhisiyinihkâtahkik pônipimâtisiwin êkwa kêwâtêyimowin, otâpasinahikêsak kinitomikonawak ita ehâcimohtatâcik kêsi nâkateyimisohk kakêwâteyimohk.

ONE DEAD TREE #4, June 2012
Dwayne Martineau
Photo rag paper carriage-bolted to
OSB board
34.5 x 23.5 inches

ONE DEAD TREE #9, June 2012
Dwayne Martineau
Photo rag paper carriage-bolted to
OSB board
34.5 x 23.5 inches

Halie Finney opimâtisimakihtawin, âcimowin ohci (kêkâc) ênipit atim (2018) êhâcimikâsot atim êwâtihkêt êkwa êkota êpihcipayit, êkosi êsa ana otê aspin kihcikîsikohk. êkanawâpamâyahk atim êmawimôstawât êkwa êmâtowihtâkosit ohci okâwiya êkwa cîpaya êpimipimohtêyit.  Finney kwêyask êtâpasinahwât asiyiniwa, êhâhtayohkêt, êhâcimot ohci kîkwaya êhâpacihtât, cikâstêpicikan, êkwa mêtawêwina kawâpahtamihk.  otâcimowin âpacihêw ayisiyiniwa kôcikiskisihk, kîkwaya âpacihtâw anita kêsikiskisitotawiht ayisiyiniw êkwa âyâwina ohci omâmawinitowin kîwêtinohk Alberta.  atim, ahpô cîpay atim, êkota apâtisiw otatoskêwinihk, kâkîpônipimâtisiyit êkwa ispî kâpimâtisyit êkosi ôma wiya êhisikiskisihk askîwihtwâwin, ispî awiyak kâwanihat êkwa kâhisikiskisihk kâpiminîkânohtakoyahk tahto kîsikâw kapimi-kiskisiyahk.  Finney itwêw:


atimwak ôki kâkike êpimiwîcewât nipêyakohêwama êkwa kâpehohpikiyân wayawîtimîhk ôtenâhk sisonê mêskanâhk, nikiskinohamâkwak mistahi ohci pônipimâtisiwin êkwa kêwâtêyimowin.  ôma atoskêwin, atim awa êhâpatisit êkaskihot kanôhkohot nîso kîsikohk, ahpô êtikwê êwako wiya iyinito âcimowin.  kâhosihtâyân cikâstêpicikan, nikiskinohamâkon namoya kakînakatikon wîsakitêhêwin; kîspin kâhâhkamêyihtaman kawanikiskitotawahkik cîpayak kâsâkihahkik, nawâc ayiwâk nikiskisin, nikiskisitotawâwak, nikiskin kihtwâm êwîwâpamahkik.

ONE DEAD TREE #5, June 2012
Dwayne Martineau
Photo rag paper carriage-bolted to
OSB board
34.5 x 23.5 inches

kâmêskocipayik kîkway kâmamâtâwak êkwa kîkway kâkiskêyihtamihk, mamâtawisiwin êkwa pakaskêyihtamowin êkoni nôhkwanwa anita Finney êkwa Martineau otatoskêwiniwâw.  pîtos kâhisinisitohtamahk pônipimâtisiwin piko katâpohkêyihtamihk kêyâpic kîkway êhayamakahk kihcikîsikohk.  kahkiyaw naspasinahikêwina mâmaskâtêyihtâkwana ita ana kâkanawâpahtahk naspascikêwina wiya kâhisinisitohtahk pônipimâtisiwin êkwa kîkway êhayâmakahk kihcikîsikohk.  pônipimâtisiwin êkwa kâkêwâtêyimowin êhamâtsostamihk êkwa êsêsêhskêyihtwak kîspin namoya kâkiskêyihtamihk, iyikohk êmôsihtahk sâkohitowin, kikisiwin, êkwa êhisinakacihtâyahk êhisikaskihoyahk.

Dwayne Martineau onaspasinahikêwin pêyak nâtwâyâskohtin (2012), êhâpacihât konta mîtosa mêskanâsihk anita amiskwacîwâskahikanihk pasahcâw.  kâkihtwâm êhâpacihiht mîtos êkiskinawâcîcikâsot êsêsêhskinâkosit êcahkâstêsihk. iyikohk miyopayicikêwin ênôhkwak onaspihcikanihk.  êcâhkastêhki masinpayihowina pâstewâhtik pîtos êtâpinâkosit êcikâstêpêkisinit.  mîtos êtâpinâkosit tâpiskôc mâyihoskanâspinêwin, êkota tasi kîkwaya kâhohpikihki wâsakâm.  êmamâtawinâkosit, ita êkwâtakêyimohk, ita kâmamâtawipayik nân’taw kâhispayikoyahk.  Martineau nitawâcihtâw êhisimamâtâwahk ohtitaw, asci pimâtisiwin êkwa pônipimâtisiwin, kwayask kîkway ahpô namoya kwayask, êkwa tânisi pîtos kîkway kêsiwâpahtamihk kêsimasinpayitâhk ispî kâhâhkwêtawastahk, pîtos kêsiwâpahtamihk êkwa kêsinisitohtamihk misiwêskamik.  Martineau itwêw, ohci One Dead Tree (pêyak nâtwâyâskohtin):


êkospî, mêtoni ekîmosihtâyân kânakataskêht nitôtem.  ita takîmôsihtâyân mamihcâyâwin, nikîsehkisin, misiwanâtisiwin, êkwa wanêyihtamowiwêwin êkatawasisik.

ONE DEAD TREE #14, June 2012
Dwayne Martineau
Photo rag paper carriage-bolted to
OSB board
34.5 x 23.5 inches

ONE DEAD TREE #15, June 2012
Dwayne Martineau
Photo rag paper carriage-bolted to
OSB board
34.5 x 23.5 inches

nânapô naspasinahikêsak âpacihtâwak êhisitâpinahkosit êhahkwêhtawastêhki ohci wâsaskotênikan.  Finney kâmasinahikêt êhâhâtastât âpacihcikana, ita ayiwâk kawâpahtamihk ahpô kawîkatênamihk kêsinisitohtamihk pîmâtisimakihtâwin.  Martineau êhahkowastaht êhisitâpinahkosiyit pêyak mîtosa kêsimôsihtât asci kâhisikiskisit êkwa iyikohk kâwanikiskisit kîkway.  namoya kahkiyaw kâkîmosihtân katisk pêyakwâw kawâpahtaman kâkihtwâm kakanawâpahtaman ohcitaw pîtos kêsinisitohtên.  wâsaskotênikan êhâpahtahk pîtos kêsimôsihtâhk mawîhkâtamowin. nânapô naspasinahikêsak nitwâcihtâwak pâpêyakwan kiskisiwin ahpô âpacihcikana kâhâpacihtâcik aniki kâpiminîkânîstâkocik, mêtoni âcimowiniwâw kinisitohtên ôte kihcikîsikohk êkwa ana kânakataskêyit tâpiskôc kamôsihtâyan keyâpic êhayât ôta waskitaskamihk, âpacihcikanihk anita, êkwa kiskisiwin.

ONE DEAD TREE #4, June 2012
Dwayne Martineau
Photo rag paper carriage-bolted to
OSB board
34.5 x 23.5 inches

Story of a (almost) Dead Dog, June 2018

Halie Finney
Video (overhead projector, acrylic paints and inks, stop-motion animation) 
13:00  min

wâskotênikan kâpacihtâcik, Finney ekwa Martineau kaskihtâwak êhâcimôtatâcik anita onaspasinahikêwiniwâw.  ita kâpahtahk wâskotêpayisk êkwa cikâstêsimowin môsihtâniwan nakatamâkêwin êmôsihtâhk wanêyimowin, êkwa mêtoni môsihtâniwiw mawîhkâtamowin.  kikêwâteyimonaw êkota wâsakâm, ênâtonamahk kêsiwîcihikoyahk kêsiyâkasik kiwîsakitêhêwininaw.  aniki kânakataskêcik kimâmitonêyimânawak anita kitâcimowinaw êkisteyimâyâhkik. kêsikiskisiyahk, kitâhkamêyihtênaw êhâsônamahkêyahk kâkîpehisipimâtisiyahk êkwa kîkway kapêwanihtâyahk.

Halie Finney awa onaspasinahikêw mêkwâc êwîkit amiskwacîwâskahikanihk, Alberta.  êkîkaskihtamâsot okihcikiskinohamâtowasinahikanis ohci Alberta University of Art and Design ispî 2017 ohci naspasinahikêwin; êkwa mîna kîkîsikihcikiskinohamâkosiw MacEwan University 2017 kiskinohamâkosiwin ohci iyinito naspasinahikêwin.


êkînihtâwikit êkwa êkîhohpikit Lesser Slave Lake askiy anita Alberta, Halie mistahi kiskêyihtam êkota kîkwaya ohci askiy.  nisitohtam otipêyimisowin nanâtohkôskânêsiwin kêsikiskisit kâkîpêhisiwihtamâkot opêyakohêwama êkota kâwîkiyit êkwa êkota wâsakâm pêyakwan kâhisinâkwak otaskîm êkwa kâkîpêhisipimâcihocik.


kapîkiskwâtahk wîki êkwa opêyakohawêma kwayask Halie âtayohkâtêw ayisiyiniwa anita êwêhcasik âcimowasinahikan êhisikiskisit ocênâsihk.  êwakonik ayisiyiniwa âpacihêw anita pimâtisimakihawina, mêtawêw-ayiwinisa, tâpasinahikêwina, naspasinahikêwina, mêtawêwina, êkwa kotaka âpacihcikana.


Dwayne Martineau wiya otâpasinahikêw kîkwaya êhâpacihtât, okitohcikêwiyiniw, êkwa êmasinahahk kitohcikêwin êwîkit amiskwacîwâskahikanihk.  nîso kîkwaya itôtam otatoskêwinihk – apacihtâw wâskotêpayis, êkwa êmasinipayitât askiy.  êhapacihtât wâsaskotêpayis, êmiskâhk mohtêhâpisk, wâpamon êkwa mihcêt kotak kîkwaya, Martineau âpacihtâw pîtos kîkwaya namoya kwayask êhitastêhki, kwayask êhitastêhki kîkwaya, êkwa pimâtisimakihtawin êkiskêyihtahk ohci misisakâwa êkwa sakâwa.  êkakwênohcihtât, wiya kêtwet, iyikohk êsôhkahk masinipayicikêwin “pîtos kêsinisitohtamahk pîtos kîkwaya, êkwa pîtos êkota êhispayik êwako…” Dwayne ohcîw ayikisâkahikanihk iyinînâhk êkîhohcîtyit nistam wêmistikosiwak, Scottish êkwa Irish otinaskêwak, nêhiyawak, otipêyimisowak êkwa onâtowêw.

ôta êwîkit amiskwacîwâskahikan, Alberta, Ociciwan Contemporary Art Collective wîcihêw  iyiniw otâpasinahikêwak êkwa osihcikêsak êkwa mâmiskohtamwak êwako atoskêwin, kêsi ispihtêyihtakwak kawîtatoskêmitocik otâpasinahikêsak êkwa kakiskêyihtakwâki iyiniw otâpasinahikêwin itôtamowina.


ispî kisêpîsim 2020, Ociciwan êwîhayâk iyiniw otâpasinahikêwak kamikos amiskwacîwâskahikanihk, Alberta.  otâpasinahikêwikamik wîwâpahtihiwêwak tâpasinahikêwina nêwâw pêyak askiy ôhci iyiniw otâpasinahikêwina.  ênohtêkaskihtamâsocik ita kawâpahtamihk otâpasinahikêwiniwâw ôta amiskwacîwâskahikanihk tâtwâskiy ita êkosi kêsihcikêcik êkwa iyikohk êhispihtêyihtakwak nitwâcihtwâwin.